Radix subrapiformis. Corpus depresso–semiglobosum, ca. 6–12 cm diam. vertice paulum depresso, glauco–viride. Costae 6–10, postea plures, rectae, basi ca. 30 mm latae et applanatae, vertice elatae, submucronatae, subtiliter transverse crenatae. Areolae ca. 20 mm inter se distantes, rotundae, juvenilis flavo–villoso–tomentosae, postae canescentes et evanescentes. Aculei marginales 5, ca. 25–30 mm longi, rotundi, submucranati, corpus versus curvati, pungentes; aculei centrales 0 (–1) (35–45 mm longus). Flores e vertice orientes, prompte efflorescentes, 60 mm longi, 40 mm diam., cremeo–sericei. Receptaculum breve, 16 mm longum et 10 mm diam., glaucum, dense squamis lilacino–roseis, semicirculatis, postremo elongatis et receptaculo concoloribus obtectum. Phylla perigonii exteriora 22 mm longa, 8 mm lata, cremea, linea mediana micante ornata. Phylla perigonii interiora basi rubro–tincta. Antherae flavae, filamentis albidis, tubum longe superantes. Stylus stigmatibus 11, flavovirens. Camera nectarifera angusta, basi vix dilatat. Fructus ovoideus, submucronatus, 8 mm longus, 4,5 mm latus, glaucus, sqaumis roseo–lilacinis obtectus. Semina parva, oblonga, curvata, hilo ovali, subcurvato. Testa ferruginea, verrucosa, scrobiculata. Microsemineae (sensu Fric).
Patria: Argentinia septemtrionalis, Prov. Tucuman, prope Medina in Monte Medina (1000–1500 m s. m.).